AMPLE / SHËRBIMET TONA
Shërbimet
tona.
Ju përqendroheni te shkenca, ne kujdesemi për gjithçka tjetër.
- Konferenca
- Takime rajonale
- Kurse
- Lançime
- Farmacistë
- Fushata
- Masterklasa
Hyrje
Që nga viti 2021,
në mbarë Shqipërinë.
Që nga viti 2021, Ample organizon evente mjekësore në mbarë Shqipërinë, me një mision: të çojë përpara dijen, inovacionin dhe bashkëpunimin në shëndetësi. Jemi partner organizativ i mbi 30 shoqatave profesionale dhe institucioneve, dhe kemi realizuar mbi 150 evente në 10 qytete. Sot, me Ample M Class, edukimin mjekësor e çojmë edhe online.
- 5+
- Vite
- 150+
- Evente
- 30+
- Shoqata partnere
- 10
- Qytete
Shtatë shërbime
Ju përqendroheni te shkenca,
ne kujdesemi për gjithçka tjetër.
- Konferenca dhe kongrese mjekësore të akredituaraKonferenca dhe kongrese mjekësore të akredituara, nga një deri në tre ditë, deri në 800 pjesëmarrës. Partner organizativ i mbi 30 shoqatave profesionale, nga ideja deri në ditën e fundit.
- Takime rajonale me raste klinike: Enigma KlinikeEnigma Klinike: takime rajonale me raste klinike nga praktika e përditshme, në nëntë qytete të Shqipërisë.
- Trajnime dhe kurse praktikePartner organizativ për kurse hands-on dhe live surgery me ekspertë shqiptarë dhe ndërkombëtarë. Mjekët mësojnë duke parë dhe duke praktikuar.
- Eventet e lançimit të produkteve mjekësoreEvente lançimi për produkte dhe platforma mjekësore, me program shkencor, audiencën e duhur dhe një atmosferë që mbahet mend.
- Evente për farmacistëEvente të dedikuara për farmacistët, që lidhin dijen shkencore me sfidat e përditshme në farmaci.
- Fushatat e ndërgjegjësimitMbi 10 fushata ndërgjegjësimi për tema shëndetësore, në bashkëpunim me shoqatat dhe institucionet, për profesionistët dhe për publikun.
- Masterklasat online: Ample M ClassMasterklasa online me mjekë dhe farmacistë ekspertë, në aplikacionin dhe në faqen e Ample, që do të akreditohen me kredite CME.
Shërbimi 01
Konferenca dhe kongrese mjekësore të akredituara
Prej më shumë se pesë vitesh, Ample është partner organizativ i mbi 30 shoqatave profesionale dhe institucioneve në Shqipëri. Kemi realizuar dhjetëra konferenca mjekësore, duke i shoqëruar partnerët tanë nga hapi i parë deri në mbylljen e eventit. Ju përqendroheni te shkenca, ne kujdesemi për gjithçka tjetër.
Identiteti vizual i eventit
Krijojmë dizajnin dhe identitetin vizual të çdo konference. Shpesh i japim vend artit, si një element që zgjon kureshtjen dhe e hap mendjen ndaj ideve të reja.
Marketingu dhe promovimi
Promovojmë eventin përmes rrjeteve sociale, email-it dhe WhatsApp-it, që njoftimet dhe ftesat të arrijnë në kohë te pjesëmarrësit e duhur.
Programi shkencor dhe abstraktet
Menaxhojmë thirrjen për abstrakte dhe sesione, prezantimet orale dhe E-Poster, deri te libri i abstrakteve me numër ISBN.
Asistencë për akreditimin
Ndihmojmë në përgatitjen e dokumentacionit për procedurat e akreditimit.
Vendi dhe logjistika
Gjejmë hotelin ose ambientin e përshtatshëm, menaxhojmë sistemin audiovizual dhe përgatisim të gjitha materialet e printuara.
Regjistrimi dhe pagesat online
Pjesëmarrësit regjistrohen dhe paguajnë online, në faqen e internetit ose në aplikacion.
Aplikacioni Ample 2.0
Në aplikacion, pjesëmarrësit ndjekin programin e eventit dhe kanë biletën e tyre, me të cilën bëjnë check-in dhe check-out ditën e eventit. Aty njihen me sponsorët dhe marrin certifikatën e pjesëmarrjes.
Platforma për lektorët
Lektorët aplikojnë përmes një platforme të dedikuar, të thjeshtë dhe të shpejtë.
Menaxhimi i sponsorëve
Hartojmë kontratat me sponsorët dhe kujdesemi për mbarëvajtjen e stendave të tyre gjatë konferencës.
Nga konferencat njëditore deri te kongreset trediteshe me 800 pjesëmarrës, çdo event menaxhohet tërësisht nga ekipi ynë.
Shërbimi 02
Takime rajonale me raste klinike: Enigma Klinike
Edukimi mjekësor nuk duhet të mbetet vetëm në Tiranë. Që nga viti 2021, Ample organizon takime rajonale ku mjekët e çdo qyteti prezantojnë raste klinike nga praktika e tyre e përditshme dhe i diskutojnë me kolegët. Sot ky format njihet si Enigma Klinike.
Në vitin 2026, Enigma Klinike u zhvillua në nëntë qytete:
- Lezhë
- Shkodër
- Berat
- Fier
- Durrës
- Elbasan
- Lushnjë
- Korçë
- Gjirokastër
Në Shkodër dhe Korçë ishte edicioni i pestë.
Raste nga praktika e përditshme
Mjekët e rajonit prezantojnë raste reale, në sesione të moderuara, me kohë të mjaftueshme për pyetje dhe diskutim.
Komitet shkencor lokal
Çdo takim ka komitetin e vet shkencor dhe organizativ, me mjekë që e njohin nga afër praktikën dhe sfidat e rajonit.
Bashkëpunim me institucionet vendore
Takimet i ndërtojmë së bashku me Këshillat Rajonalë të Urdhrit të Mjekut dhe spitalet rajonale.
Hapësirë për partnerët
Kompanitë farmaceutike mund të prezantohen me simpoziume satelit, pranë mjekëve të rajonit.
Shërbimi 03
Trajnime dhe kurse praktike
Disa aftësi mësohen vetëm duke i parë nga afër dhe duke i provuar me duart e tua. Që nga viti 2023, Ample është partner organizativ i kurseve praktike dhe sesioneve live surgery, ku mjekët mësojnë drejtpërdrejt nga ekspertë shqiptarë dhe ndërkombëtarë. Ju sillni ekspertizën, ne krijojmë kushtet që ajo të mësohet në praktikë.
Live surgery
Operacione të transmetuara drejtpërdrejt nga salla e operacionit në sallën e kursit, të moderuara nga ekspertët. Transmetimi live realizohet nga partnerët tanë, si nga spitalet në Shqipëri, ashtu edhe nga qendrat kirurgjikale jashtë vendit.
Kurse hands-on
Kurse me vende të kufizuara, ku pjesëmarrësit praktikojnë teknikat në simulatorë dhe pajisje trajnimi, nën drejtimin e instruktorëve, edhe si kurse para-kongresi në hapje të kongreseve. Ishim partner organizativ i First Albanian ISGE Basic Laparoscopy and Hysteroscopy Course (2024), kursi i parë ISGE në Shqipëri.
Organizimi i plotë
Si partner organizativ, kujdesemi për gjithçka tjetër: asistencën për akreditimin, regjistrimin dhe pagesat online, vendin dhe sistemin audiovizual, materialet dhe certifikatat e pjesëmarrjes.
Shërbimi 04
Eventet e lançimit të produkteve mjekësore
Një produkt i ri meriton një prezantim që mbahet mend. Ample organizon evente lançimi për kompanitë farmaceutike dhe të teknologjisë shëndetësore, që e çojnë produktin te mjekët dhe farmacistët e duhur. Bashkojmë përmbajtjen shkencore me një atmosferë që krijon lidhje.
Krijojmë evente që lënë gjurmë në kujtesën e pjesëmarrësve.
Programi shkencor
Ndërtojmë një program ku produkti prezantohet nga emra të njohur të fushës, shpesh krah themeluesve të kompanisë. Kështu, prezantimi ka bazë shkencore dhe jo vetëm tregtare.
Audienca e duhur
Ftojmë specialitetet që lidhen drejtpërdrejt me produktin. Menaxhojmë ftesat dhe listën e të ftuarve, edhe për eventet vetëm me ftesë. Eventet për produkte me recetë organizohen vetëm për profesionistët e shëndetësisë, në përputhje me rregullat e promovimit.
Takime multidisiplinare
Për terapitë që prekin disa specialitete, ndërtojmë formate me sesione për secilën fushë, që çdo grup të marrë informacionin që i duhet.
Atmosfera dhe networking
Pjesën shkencore e shoqërojmë me një përvojë artistike ose teknologjike, që e bën eventin të veçantë për pjesëmarrësit.
Organizimi i plotë
Kujdesemi për vendin, dizajnin dhe identitetin vizual të eventit, sistemin audiovizual, materialet e printuara dhe të ftuarit.
Shërbimi 05
Evente për farmacistë
Farmacisti është shpesh profesionisti i parë që takon pacienti. Prandaj, që nga viti 2021, Ample organizon evente të dedikuara për farmacistët, që lidhin dijen shkencore me sfidat e përditshme në farmaci.
Tema nga praktika e farmacisë
Programet trajtojnë tema që farmacistët i hasin çdo ditë, nga problematikat e lëkurës te vendimmarrja klinike.
Hapësirë për partnerët
Kompanitë farmaceutike dhe dermokozmetike mund të prezantohen me simpoziume satelit, pranë një audience të përbërë nga farmacistë.
Organizimi i plotë
Kujdesemi për programin, vendin, brandimin dhe marketingun e eventit, regjistrimin dhe pagesat online, materialet dhe certifikatat e pjesëmarrjes.
Nga eventi i parë për farmacistët në 2021, drejt Beyond the Counter në 2026: një kongres dyditor i dedikuar tërësisht farmacistëve.
Shërbimi 06
Fushatat e ndërgjegjësimit
Edukimi shëndetësor nuk mbaron në sallat e konferencave. Ample ka realizuar mbi 10 fushata ndërgjegjësimi për tema të rëndësishme shëndetësore, që u flasin si profesionistëve të shëndetësisë, ashtu edhe publikut të gjerë. Në secilën bashkojmë ekspertët, partnerët dhe një mënyrë komunikimi që mbetet në mendje.
Ditë të dedikuara ndaj një sëmundjeje
Evente që mbledhin ekspertët rreth një teme të vetme, si Dita Botërore e Astmës, Dita e Hipertensionit, ENDometriosis Day Albania, MS Day Albania dhe Tetori Rozë.
Aktivitete në hapësira publike
Fushata që dalin nga salla dhe takojnë qytetarët aty ku janë, si marshimi për ndërgjegjësimin mbi kancerin kolorektal në Liqenin Artificial të Tiranës.
Arti si mjet ndërgjegjësimi
Shpesh përdorim artin për ta bërë mesazhin më të afërt: koncerte dhe performanca artistike që e sjellin një temë shëndetësore pranë njerëzve, në një mënyrë që mbahet mend.
Bashkëpunimi me shoqatat dhe institucionet
Fushatat i ndërtojmë së bashku me shoqatat profesionale, bashkitë dhe institucionet shtetërore, që mesazhi të ketë autoritet dhe të shkojë më larg.
Organizimi i plotë
Kujdesemi për idenë dhe identitetin vizual të fushatës, materialet e printuara dhe logjistikën e aktiviteteve.
Mbi 10 fushata deri tani, për hipertensionin, astmën, sklerozën multiple, endometriozën, kancerin kolorektal dhe kancerin e gjirit.
Shërbimi 07
Masterklasat online: Ample M Class
Dija e mirë duhet të jetë e arritshme kurdo. Me Ample M Class, mjekët dhe farmacistët mësojnë nga ekspertët e fushës në kohën e tyre, përmes masterklasave të regjistruara në aplikacionin dhe në faqen e internetit të Ample. Ashtu si eventet tona live, edhe masterklasat do të akreditohen me kredite CME.
Zbuloni M Classes
Mësim në segmente
Çdo masterklasë ndahet në segmente video, me një kuiz pas çdo segmenti, që dija të përforcohet hap pas hapi.
Certifikatë dhe kredite CME
Pas përfundimit, pjesëmarrësi merr certifikatën e përfundimit dhe kreditet CME, pasi masterklasa të jetë akredituar.
Kurdo dhe kudo
Masterklasat ndiqen në aplikacionin Ample 2.0 dhe në faqen e internetit, nga telefoni ose nga kompjuteri.
Partneritet me ekspertët
Mjekët dhe farmacistët sjellin dijen dhe miratojnë versionin final. Ample mbulon xhirimet, montazhin dhe prodhimin, ndërsa të ardhurat nga shitjet ndahen me ekspertin.
Ample M Class mbështetet nga skema Grant 2026 e Ministrisë së Ekonomisë dhe Inovacionit, e zbatuar nga Agjencia Innovation4Albania.